芝加哥串燒酒場 (太和中心)

上次食已經係好耐之前，今日去大埔搵朋友食飯，再encore 呢間餐廳。今次呢位朋友唔係太飲得酒，問左職員建議之後，我地點左Kirin 啤 （Kirin Ichiban Draught) ，聽講比較無咁易醉。Kirin Ichiban Draught (左：水蜜桃；右：櫻花）由於Frozen 機無開，我地就揀左Draught。我叫個杯係水蜜桃味，甜甜地，比櫻花味個杯麥味重少少。櫻花個杯係朋友點既，我試飲左幾啖，味道比較清新。餐廳背景顏色偏藍色系，打卡一流。串燒放係同一塊木板上菜傾心事好時機 我地兩個總共點左十種串燒，或烤物。一面食串燒，一面飲啤酒，同朋友一齊傾計，好治癒。串燒食物（拼圖）特別推介 燒芝士年糕，味道同口感好軟軟的，芝士入口即溶，好好味。玉子燒 $32 （四件）味道偏甜，岩曬好甜食既朋友。韮菜燒 $15 （1串）烤汁好入味，令韮菜又香又惹味。燒汁牛仔骨$45香濃而肉質鮮嫩，烤完又好味。日光日白搵到個打卡一流又有酒飲既地方，岩曬至潮既你你你，黎呢到同朋友傾下心事，同埋食餐開心既飯。