和平飯店 (大本型)

營業中

休息中

哈哈，今次搶到和平飯店2人餐優惠劵又可以去試食好西啦喂今次係試中式野，進到餐廳見到天花好有特色，啲燈好似天燈咁7點幾去到都唔算太多人。坐低之後就先來一壺普洱茶嘆下先，跟著就上第一碟「鎮江餚肉」配左醋汁，食落口有啲似啫喱咁，又有啲似熏蹄。第二碟「花雕醉雞」好有酒香味，食落口啲雞好嫩滑，好食第三碟「黃金蝦球」蝦球係炸完再加咸蛋黃去炒的，食落有啲脆，有好濃既咸蛋黃味，個人覺得呢道菜一般要送飯食，食完口渴。第三碟「糖醋魚塊」好似咕嚕肉菜式咁，只係今次是用魚柳整，幾好食，都是要送飯的。第四碟「富貴炒飯」呢個炒飯冇咩特別，菜粒是多的，炒飯份量都多，味道正常。第五碟「不等你小籠包」我覺得可以再熱啲，皮薄多汁厚肉，係幾好食既。第六碟係湯來「砂鍋醃篤鮮」材料豐富，有小唐菜，有腩肉，有腐竹打結，有荀，多料又好味既湯，飲完大滿足。跟著最後上甜品「高力豆沙」口感似食緊油炸鬼，但又似食緊冬甩，面頭有糖粉，內裡有豆沙，食落幾好食。2人餐有咁多野，真係好正，似3人餐多啲，食到好飽好滿足。