鳳城酒家 (已結業)

黃埔有地鐵站方便左好多，放假入黎兜一圈，心思思想打邊爐，發現老字號出蒸氣鍋套餐，決定同朋友試一試。調味料份量好足，大大兜慢慢依喜好調。加拿大龍蝦大蒸鍋套餐，顧明思義，裡面好多海鮮，餐牌上亦有標明蒸煮時間，放蒸鍋上原汁原味，唔會流失鮮味。上面蒜茸蒸聖子，下面鮮甜沙白蜆，本來以為會好細隻，但大小適中，蒸上去亦冇大縮水。補一張蒜蓉大扇貝，下面有粉絲。套餐裡面包含小籠包，在海鮮堆中轉換一下味覺，放蒸鍋中間好可愛，味道唔錯！輪到我最喜歡嘅龍蝦，同之前小籠包一對比就知道其實幾大，鋪上蒜蓉香氣撲鼻，時間恰恰好，嫩口新鮮，自己蒸份外有滿足感。本地大肉蟹，有少少膏，唔會太膩。打邊爐必備手切肥牛，鋪平慢慢蒸，好快熟，同平時相比煮法完全唔同，但一樣多汁好口感。值得一提，酒家用架去盛裝碟，成一個個小塔，既一覽無遺，又節省空間。唔駛好似平時打邊爐鋪滿一桌，快快手食完騰出空間，可以慢慢。食到最後，以瑤柱咸排骨粥底，加上成個蒸鍋食材精華做終結。總括而言，鳳城酒家做新嘗試，雖然係平時慣常菜式，同樣係蒜蓉蒸海鮮，但自己落手蒸，就變得特別有趣味，食材新鮮，粥底好驚喜，平均每人300，希望下次再黎仍保持水準。