Cooley Oysters ® The Fine Restaurant

營業中

休息中

同朋友gathering去左銅鑼灣食生蠔西餐同埋西餐～ 真係幾正！環境好舒服，燈光柔和～首先上嘅係當日特式餐湯，係南瓜湯嚟嘅，味道好濃郁，飲落去好滑，仲有啲微微嘅甜味，真係好開胃。跟住就精選oyster! 叫左2款唔同嘅生蠔新鮮又好味～好鍾意食有海水味又creamy 既oyster ❤️跟住就係佢哋嘅招牌菜——加拿大龍蝦意式扁意粉。嘩，一上枱就聞到好香，龍蝦肉好鮮甜，咬落去彈牙，扁意粉煮得啱啱好，唔會太軟又唔會太硬，醬汁好濃郁，同龍蝦好夾，食落去真係好滿足。最後上嘅係香煎頂級紐西蘭肉眼牛排。牛排煎得外脆內嫩，切開仲見到粉紅色嘅肉，咬落去好多汁，肉質好嫩滑，完全唔會韌。配菜都整得好好，薯仔好香，蔬菜好新鮮，整體嚟講真係好高質素。