影片
更多
2020-09-27
2587 瀏覽
平時入南丫島都係搭去榕樹灣, 然後行山過去索罟灣. 今次去到碼頭見有船去索罟灣, 諗住其實可以試吓索罟灣啲餐廳吖, 咁就衝左上船喇🙆🏻♀️其實去嘅時候冇特別諗住食乜嘢, 落咗船見大部份都係海鮮餐廳, 咁就行吓睇吓邊間多人就入去啦! 天虹海鮮係最多人嘅, 始終老字號最出名. 咁我哋兩條友仔就入咗去啦👫🏻兩個人食海鮮其實唔係嗌得好多嘢食.. 佢哋有兩個二人餐可以揀, 大概有四種海鮮, 都幾抵食㗎. 不過我哋兩個想試吓其他野, 價錢係會貴少少, 不過可以食到自己想食嘅嘢☺️首先上既係鮑魚, 佢哋有南非同大陸鮑俾你揀, 仲有唔同嘅煮法. 我哋就揀咗陳皮蒸南非鮑魚. 鮑魚夠大隻又新鮮, 質感好好, 仲有啲粉絲索晒啲汁. 正呀第二味菜係豉椒炒蟶子, 都係一隻一隻咁嗌嘅. 看圖不解釋, 又係好好味第三道菜係清蒸游水魚, 呢條大概12両, 兩個人食就啱啱好啦. 魚夠新鮮肉夠滑, 又係正最後一味係天虹炒飯, 有男人始終要有飯落肚😏 佢哋加咗蝦同魚去炒, 夠晒鮮味總括黎講海鮮夠新鮮, 炒得夠鑊氣又入味!! 不過當日招呼我哋嘅男侍應態度真係遠遠跟唔上食物質素. 問佢啲海鮮有乜煮法, 佢係完全唔想答. 如果你個
其實去嘅時候冇特別諗住食乜嘢, 落咗船見大部份都係海鮮餐廳, 咁就行吓睇吓邊間多人就入去啦! 天虹海鮮係最多人嘅, 始終老字號最出名. 咁我哋兩條友仔就入咗去啦👫🏻
兩個人食海鮮其實唔係嗌得好多嘢食.. 佢哋有兩個二人餐可以揀, 大概有四種海鮮, 都幾抵食㗎. 不過我哋兩個想試吓其他野, 價錢係會貴少少, 不過可以食到自己想食嘅嘢☺️
首先上既係鮑魚, 佢哋有南非同大陸鮑俾你揀, 仲有唔同嘅煮法. 我哋就揀咗陳皮蒸南非鮑魚. 鮑魚夠大隻又新鮮, 質感好好, 仲有啲粉絲索晒啲汁. 正呀
陳皮蒸南非鮑魚
31 瀏覽
0 讚好
0 留言
第二味菜係豉椒炒蟶子, 都係一隻一隻咁嗌嘅. 看圖不解釋, 又係好好味
豉椒炒蟶子
31 瀏覽
0 讚好
0 留言
第三道菜係清蒸游水魚, 呢條大概12両, 兩個人食就啱啱好啦. 魚夠新鮮肉夠滑, 又係正
清蒸游水魚
53 瀏覽
0 讚好
0 留言
最後一味係天虹炒飯, 有男人始終要有飯落肚😏 佢哋加咗蝦同魚去炒, 夠晒鮮味
天虹炒飯
43 瀏覽
2 讚好
0 留言
總括黎講海鮮夠新鮮, 炒得夠鑊氣又入味!! 不過當日招呼我哋嘅男侍應態度真係遠遠跟唔上食物質素. 問佢啲海鮮有乜煮法, 佢係完全唔想答. 如果你個餐牌有寫明我咪唔使問你囉.. 問佢游水魚有乜揀嘅時候, 佢又係唔想答淨係叫我哋出去自己揀. 其實當時已經除咗口罩, 唔想咁麻煩先問你姐. 我希望服務態度可以多加改善, 追得上食物質素啦!
張貼
