點‧粵 (已結業)

早前已經嚟過食點心原來最近餐廳改左名做「點粵」點心都係同之前一樣咁出色有特色同埋有創意假日下晝嚟到坐無虛席🔸麻辣手拍青瓜條 $68夏日炎炎食呢個前菜最涼快，呢款係冷盤，青瓜爽口帶有少少麻辣，配有黑醋酸酸地好好食！🔸粤生輝蝦蝦蝦餃 $48.8一籠有4件。蝦餃皮薄蝦多，蝦肉鮮甜彈牙，咬蓉好有嚼勁。蝦餃皮嘅質感細緻，完美地帶出蝦肉嘅鮮味。🔸羊肚菌燒賣皇后 $48.8一籠有4件。燒賣肉質鮮嫩彈牙，加埋細緻滑嫩嘅燒賣皮令人回味無窮。而羊肚菌本身嘅香味亦能夠完美地融入燒賣之中，帶出一種獨特嘅風味。🔸榴槤BB $38.8一籠有3個包。比較少見呢款點心，外表呈綠色，造型好特別！咬開榴槤味好濃郁，爆晒榴槤蓉超香，而且非常滑溜。榴槤控必點！🔸滑嘟嘟生肉腸粉 $38.8口感綿密滑嫩，腸粉皮嘅質感滑滑嫩嫩，包裹住豐富嘅牛肉餡料，肉質鮮嫩多汁，每一口都能夠咬出牛肉嘅鮮味同埋甜味。倒埋豉油，更好食！🔸爆爆珠芒果布甸杯 $38.8芒果布甸杯口感順滑，令人感受到一種非常細緻嘅質感。當中仲有芒果果肉，鮮甜多汁。而芒果布甸杯嘅甜度剛剛好，唔會太甜，面層倒有花奶，更香滑。