森．湯咖哩 (已結業)

觀塘新開北海道湯咖喱專門店, 主打日式湯咖喱🍛, 可以配飛驒和牛漢堡扒、北海道帆立貝、慢煮炙燒雞叉燒等等, 而且價錢親民, 係觀塘平價抵食之選👍🏻！🍜大啡菇蕃茄湯烏龍麵 湯底有大量茄蓉🍅, 食到粒粒番茄蓉, 蕃茄湯底香濃, 質地比較杰身, 有着天然嘅酸甜味, 茄味十足！🍛香煎大蝦湯咖哩可以揀原味、小辣、中辣, 招牌日式北海道湯咖哩加入大量蔬菜熬煮, 香濃微辣, 而且帶蔬菜嘅甜香。咖哩配有大蝦🦐、日本南瓜🎃、紅蘿蔔🥕、茄子🍆、西蘭花🥦、青椒🫑、薯仔🥔、秋葵等蔬菜, 好豐富！湯同飯係分開上, 米飯粒粒分明🍚, 湯咖哩好香, 大蝦彈牙, 啲蔬菜應該係預先炸過, 食落脆脆哋, 索晒啲咖哩汁, 伴飯一流！🍛飛驒和牛漢堡扒湯咖哩咖哩辛辣惹味！漢堡扒相當厚身, 配咖哩真係唔錯👍🏻！湯咖喱味道偏濃, 建議一啖飯一啖汁試吓個味先～