影片
更多
2025-03-16
111 瀏覽
今日同朋友上堂前去左工廈樓上 Cafe Neon Cafe，整體幾滿意！餐廳嘅裝修走工業風，有一幅figure牆，氣氛chill又帶有少少格調。Cafe係係Neon Studio 共享工作空間入面，所以餐廳用餐位置除咗食野都係共享空間既common area。所以檯同檯嘅距離唔會逼，而且有free wifi 仲可以租用尿袋，好啱同朋友嚟傾計或者臨時辦公。 食物同飲品方面選擇都好足夠，都佩服係細小既廚房可以整到咁多野。而家咖啡20幾蚊已經有交易，比平時外面既cafe shop都平。最抵既地方係叫主食已經送餐湯/沙律，飲品只需要加10-15蚊，飲品講緊係平時外面cafe賣40-60蚊既咖啡或者特色飲品，真心好抵。入正題講食物1. 酸甜野菌雞柳肉奶油意粉意粉軟硬度煮得啱啱好，奶油醬有加到酸甜既東西（估計係檸檬）唔會太漏，仲有少少酸甜味，幾開胃。野菌新鮮分量都多，係厚切既菇菌，配兩大塊香煎雞柳同半隻流心蛋，蛋白質滿滿，整體分量足夠，配料豐富。2. 香蒜蜆肉海鮮清酒牛油意粉有4大隻蝦配上蜆肉，配埋牛油同蒜香，都有配搭後厚切菇菌， 不錯。3. 佐藤園抹茶奶蓋椰青水呢杯飲品好特別，椰青水清甜解渴
食物同飲品方面選擇都好足夠，都佩服係細小既廚房可以整到咁多野。而家咖啡20幾蚊已經有交易，比平時外面既cafe shop都平。
最抵既地方係叫主食已經送餐湯/沙律，飲品只需要加10-15蚊，飲品講緊係平時外面cafe賣40-60蚊既咖啡或者特色飲品，真心好抵。
入正題講食物
1. 酸甜野菌雞柳肉奶油意粉
意粉軟硬度煮得啱啱好，奶油醬有加到酸甜既東西（估計係檸檬）唔會太漏，仲有少少酸甜味，幾開胃。野菌新鮮分量都多，係厚切既菇菌，配兩大塊香煎雞柳同半隻流心蛋，蛋白質滿滿，整體分量足夠，配料豐富。
2. 香蒜蜆肉海鮮清酒牛油意粉
有4大隻蝦配上蜆肉，配埋牛油同蒜香，都有配搭後厚切菇菌， 不錯。
3. 佐藤園抹茶奶蓋椰青水
呢杯飲品好特別，椰青水清甜解渴，加上抹茶奶蓋茶香，兩者mix埋一齊幾有層次感。以往飲抹茶牛奶配奶油意粉會好膩，但呢個配搭可以飲到抹茶牛奶既香氣同奶滑，但因為配上椰青水，所以唔會太膩，好refreshing，特別啱夏天飲，十分推薦。
4. 肉桂黑糖牛乳
黑糖嘅焦香同牛乳嘅濃滑，配上肉桂香氣令黑糖牛乳帶有少少暖意，飲落幾舒服，不錯。
5. 野菌餐湯
野菌湯唔係加忌廉或者牛奶果種，係清甜野菌湯，做餐前湯嚟講幾唔錯，而且分量都唔少。
總括而言，我同朋友都食得幾開心同傾得幾開心，cp值高，推薦一試。
張貼
