咖吔

營業中

休息中

海南雞飯拼喇沙係我多年黎食Kaya嘅必叫組合，海南雞嫩滑去骨啖啖肉，醬汁配搭恰到好處，油飯粒粒分明。 好鍾意呢個組合可以一次過食晒海南雞同喇沙，喇沙雖然係迷你版但五臟俱全，有蝦有蛋有豆卜，湯底夠濃滿足到喇沙癮。娘惹參峇原條牛肋條肉量好澎湃，少有地喺西餐以外見到原條牛肋條，非常軟腍，配埋彩椒同蔥一齊食幾有風味，用料幾靚有牛味。香葉蟹肉辣肉碎伴脆脆球賣相滿分，炒辣肉碎同平時食到嘅差唔多，香辣惹味。 重點係釀落去脆脆球度好玩又好食，外層酥脆嘅口感令味道更有層次，如果可以俾多幾粒波波就更好。