新羅寶韓國餐廳 (利舞臺廣場)

營業中

休息中

老牌韓國餐廳，變得越來越抵食，以前食韓國餐，覺得好似好高級，而家越嚟越大眾化平民化。但品質依然OK。Set lunch， $100有找。仲有沙律及糖水任食。都算係一個豐富嘅午餐，起碼賣相一整盤，大大份，食得開心，又坐得舒服。雖然泡菜豬肉，豬肉得二三小舊仔，被泡菜包住仲爭啲搵唔到，但係味道算係唔錯，而且食完唔覺得口渴，應該口味全部正宗，沒有落味精。另外豆腐蜆肉湯，三隻蜆仔，都係咁啦，一分錢一分貨，都飽嘅。如果平平哋，呢個其實都係一個普通食飯嘅唔錯選擇。