影片
更多
2021-04-15
261 瀏覽
鍾意Homeland嘅手工意粉有咬口有蛋味，唔同種類嘅pasta都有佢獨有嘅口感，配搭唔同食材特別有味道。卡邦尼意粉嘅味道主要嚟自鹹香嘅伊比利亞pancetta粒同parma ham，意粉比較粗身好煙韌，就咁睇唔多汁但撈埋溫泉蛋嘅蛋汁之後成個味道提升咗，充滿蛋香～闊條麵嚟到就已經聞到好香嘅松露味，每條麵條都沾滿香濃嘅醬汁，大啡菇切開咗細細舊但份量多，雞胸亦唔嚡，加埋啲擺盤裝飾菜睇落好豐富。午市套餐可以以優惠價加購小食－依碟青口絕對唔係小食咁簡單，香辣蕃茄醬好惹味，辣度唔可以睇少；青口係中型size，全部都開晒口，入味唔會過熟。套餐仲包田園沙律，黑醋汁偏甜；指定飲品係咖啡茶，如果可以加錢轉特飲就好喇🙈
卡邦尼意粉嘅味道主要嚟自鹹香嘅伊比利亞pancetta粒同parma ham，意粉比較粗身好煙韌，就咁睇唔多汁但撈埋溫泉蛋嘅蛋汁之後成個味道提升咗，充滿蛋香～
闊條麵嚟到就已經聞到好香嘅松露味，每條麵條都沾滿香濃嘅醬汁，大啡菇切開咗細細舊但份量多，雞胸亦唔嚡，加埋啲擺盤裝飾菜睇落好豐富。
午市套餐可以以優惠價加購小食－依碟青口絕對唔係小食咁簡單，香辣蕃茄醬好惹味，辣度唔可以睇少；青口係中型size，全部都開晒口，入味唔會過熟。
套餐仲包田園沙律，黑醋汁偏甜；指定飲品係咖啡茶，如果可以加錢轉特飲就好喇🙈
張貼
