唐宮小聚 (新港中心)

營業中

休息中

約左成個月，終於都約到閏蜜食飯，之前佢話想試呢間，本身想訂定枱，但兩人不設訂枱，就直接walk in 去，不過當日都無咩人，一去到就有位了。一坐低閏蜜同我講「你睇下你個碗，有蟲呀！」原來係本身個碗有既pattern，幾搞笑，被玩了😂😂當然唔少得叫返支啤酒先啦～左手邊係龍脊啤酒，偏酸帶微甘，而右手邊黃蜂啤酒就比較淡口，淡淡蜜糖味，比較易入口。閨蜜話白玉王鴿係必試，賣相真係幾吸引，size正常，一開二一人半隻岩岩好，貼心的有埋手套唔洗怕整污糟隻手。乳鴿皮脆肉嫩，調味剛好，價錢仲幾相宜，只係$33係抵食既腐乳大蜆，腐乳味偏甜，蜆幾大隻，而且肉嫩，不錯。秋葵淮山，清清地，味道有點似炒河既感覺，好吃的。呢個冰鎮咕嚕，又係必點，口感一流，好似冰糖葫蘆咁，第一次食冰鎮既咕嚕肉，冰冷脆口外皮，配juicy既肉，正仲配有鮮果，無咁單調添。