槾悠

營業中

休息中

經過見荃灣近排開左一間新嘅泰國菜，心郁郁想試好耐，最後近排同男朋友黎左試試😋餐廳泰國風嘅裝修好靚，打卡一流👍🏻加上座位好寬闊，坐得好舒服😌第一道菜，我地叫左泰式豚肉生菜包。生菜好新鮮，食落口好爽口。另外豬肉味道啱啱好，微辣。鐘意食泰國菜嘅我，點會錯過冬蔭功呢😆 依個冬蔭功好足料，湯裡面有好多海鮮，包括有青口、蜆、大蝦、魷魚圈等等。湯好濃，偏酸少辣，飲落好開胃😋另外我地都叫左青咖喱豬頸肉。青咖喱汁好濃超好味，我地撈飯食停唔到口😋😋豬頸肉每片都厚切，啱晒鍾意食肉嘅朋友😌我仲有叫左松葉蟹肉奄列。蟹肉好鮮味，連埋奄列加旁邊嘅酸辣醬食，特別有一番滋味😋主菜方面，經典大蝦炒金邊粉。金邊粉炒到好乾身，有鍋氣，好味👍🏻嘢飲方面，我地分別叫左一杯珍多冰同埋一杯凍Mocha，都唔錯👍🏻👍🏻最後我地叫左椰香泡泡芒果糯米飯做甜品，芒果糯米飯上面有焦糖碎同埋乾花瓣，又有賣相，又比平日嘅芒果糯米飯增加多一層口感，為今餐畫上一個完美嘅句號。