影片
更多
2024-12-19
1649 瀏覽
新式冰廳之《中意餐室》大角咀係本人認為香港入面，臥虎藏龍不同美食嘅地方之一，今日就去咗呢一間較為新式嘅餐室😋。前菜：麻醬沙律凍豆腐以沙律凍豆腐作為前菜係幾特別👍🏻，雖然唔係第一次食，但甜甜酸酸嘅口味係絕對係開胃之選😊。湯：周打蜆肉湯除咗蜆肉夠，湯底非常濃郁，絕對係平民價錢入面我飲過最好味嘅周打蜆肉湯之一👍🏻👍🏻👍🏻。主食：鐵板厚切牛脷拼牛柳(白飯) & 黑松露野菌焗海鮮意粉 非常熱辣辣嘅口切牛脷拼牛柳，雖然我地選擇七成熟，但係唔會好韌。 牛脷同牛柳肉味鮮甜、可口、煙韌😊，加上配撘小小辣嘅黑椒汁，令菜式可以有多重嘅口感；焗海鮮意粉，海鮮有大蝦、帶子、魚柳及魷魚圈等等，非常多嘅配料，海鮮份量同味道都好夠🤤意粉方面，黑松露味亦好出，意粉爽口、彈牙😆。餐飲：椰汁班蘭凍紅豆冰 & 凍檸檬茶餐室嘅紅豆冰比較特別，除咗有花奶同紅豆之外，亦加入咗椰汁，令嘢飲更加絲滑；凍檸茶方面，餐廳選擇左用仙草檸檬，亦係其中一個特別之處，令飲品嘅仙香味更突出😄而甜度方面，雖然我地無選擇到小甜，但野飲正常甜度都比較淡，啱哂一眾注重身形又喜愛美食嘅朋友🙈。甜品：焦糖燉蛋老闆好好咁送咗甜品畀我哋，甜甜香香嘅焦糖燉蛋，作為呢
大角咀係本人認為香港入面，臥虎藏龍不同美食嘅地方之一，今日就去咗呢一間較為新式嘅餐室😋。
前菜：麻醬沙律凍豆腐
以沙律凍豆腐作為前菜係幾特別👍🏻，雖然唔係第一次食，但甜甜酸酸嘅口味係絕對係開胃之選😊。
湯：周打蜆肉湯
除咗蜆肉夠，湯底非常濃郁，絕對係平民價錢入面我飲過最好味嘅周打蜆肉湯之一👍🏻👍🏻👍🏻。
主食：鐵板厚切牛脷拼牛柳(白飯) & 黑松露野菌焗海鮮意粉
非常熱辣辣嘅口切牛脷拼牛柳，雖然我地選擇七成熟，但係唔會好韌。 牛脷同牛柳肉味鮮甜、可口、煙韌😊，加上配撘小小辣嘅黑椒汁，令菜式可以有多重嘅口感；焗海鮮意粉，海鮮有大蝦、帶子、魚柳及魷魚圈等等，非常多嘅配料，海鮮份量同味道都好夠🤤意粉方面，黑松露味亦好出，意粉爽口、彈牙😆。
餐飲：椰汁班蘭凍紅豆冰 & 凍檸檬茶
餐室嘅紅豆冰比較特別，除咗有花奶同紅豆之外，亦加入咗椰汁，令嘢飲更加絲滑；凍檸茶方面，餐廳選擇左用仙草檸檬，亦係其中一個特別之處，令飲品嘅仙香味更突出😄而甜度方面，雖然我地無選擇到小甜，但野飲正常甜度都比較淡，啱哂一眾注重身形又喜愛美食嘅朋友🙈。
甜品：焦糖燉蛋
老闆好好咁送咗甜品畀我哋，甜甜香香嘅焦糖燉蛋，作為呢一餐嘅結尾，非常之適合😊。
總結：
最後講下環境同埋服務態度方面，兩樣嘢都非常之值得一讚。環境有少少似cafe，坐得幾舒服，都有個別一兩個位幾好打卡👍🏻 服務方面，店員都好有禮貌，雖然樓面驟眼望只得一個人，但係非常之勤力咁幫我哋收嘢，以及照顧每台客人嘅需要。大角咀真係好多呢啲小店，希望大家有時間嘅話，都可以去大角咀發掘下唔同嘅美食😋。
張貼
