影片
更多
2022-02-05
18 瀏覽
有同事試過佢的XO醬炒蘿蔔糕同松露蛋多士，話幾正又有香港懷舊口味，又近我公司，就趁新年試佢的《老祖‧ 秘傳瑤柱蘿蔔糕》$168，拎起上黎好重手㗎有850g，因為用咗法式陶瓷盤裝，外層有真空包裝，放雪櫃可以擺耐啲，最外面有冷藏袋包住，行耐咗都唔怕。包裝非常得體，好啱用黎送禮，法式陶瓷盤可以重用。切的時候可以直接用個陶瓷盤切成細細份，長條一口的大細，方便進食。蘿蔔糕的用料十足，糕面有大量瑤柱，內裡當然唔少得蝦乾同臘肉。臘肉切得很幼細，蘿蔔切到一絲一絲，睇到製作者的刀工。蘿蔔糕都好挺身，易切又易煎，唔會整到爛哂，上碟時仲可以保持佢的賣相。蘿蔔糕唔使加調味醬都已經好夠味，但新年都會食糕食到悶，呢款蘿蔔糕好啱加上辣醬同蒜片再炒香食，增加佢的風味。下次黎要試下佢個古法瀨粉同其他食品！
有同事試過佢的XO醬炒蘿蔔糕同松露蛋多士，話幾正又有香港懷舊口味，又近我公司，就趁新年試佢的《老祖‧ 秘傳瑤柱蘿蔔糕》$168，
拎起上黎好重手㗎有850g，因為用咗法式陶瓷盤裝，外層有真空包裝，放雪櫃可以擺耐啲，最外面有冷藏袋包住，行耐咗都唔怕。包裝非常得體，好啱用黎送禮，法式陶瓷盤可以重用。
切的時候可以直接用個陶瓷盤切成細細份，長條一口的大細，方便進食。蘿蔔糕的用料十足，糕面有大量瑤柱，內裡當然唔少得蝦乾同臘肉。臘肉切得很幼細，蘿蔔切到一絲一絲，睇到製作者的刀工。
蘿蔔糕都好挺身，易切又易煎，唔會整到爛哂，上碟時仲可以保持佢的賣相。
蘿蔔糕唔使加調味醬都已經好夠味，但新年都會食糕食到悶，呢款蘿蔔糕好啱加上辣醬同蒜片再炒香食，增加佢的風味。
下次黎要試下佢個古法瀨粉同其他食品！
張貼
