土司工坊 (PopCorn 1)

營業中

休息中

將軍澳站附近既平民餐廳食來食去都係果幾間，之前土司工房係坑口曾經有過分店，而家終於係將軍澳站開返一間，總算為附近居民提供多一個速食選擇。餐廳以自助搵位及購票嘅快餐模式營運，套餐分為主食（飯面類）同輕食（吐司，雞蛋等）。飯面類當中有多款不同配料的喇沙可給選擇，而輕食類就貼近新加坡本土的早餐店所售賣的組合，有咖央多士，配一份溫泉蛋，附送一杯餐飲，可以選擇馬來拉茶，咖啡等南洋特色飲品。今次試嘅係炸雞扒喇沙同埋咖央多士套餐。炸雞扒炸粉唔厚，而且肉質夠滑，而喇沙湯底夠椰香味，亦唔會太辣。至於多士都算合格，溫泉蛋我哋就用咗最正宗嘅新加坡食法，加入豉油，再點多士食用。以幾十蚊嘅價錢都算係滿意嘅一餐