影片
更多
2024-07-25
401 瀏覽
《PHI Coffee & Pancake - 馬鞍山》好日唔入馬鞍山，因為戲飛買一送一嘅關係特登入去馬鞍山睇咗場戲，順便食個午餐☺️同朋友去咗呢一間新開嘅Cafe食我哋都鍾意嘅疏乎厘pancake🫶🏻平時我就最鍾意飲佢地嘅咖啡，今次兩個人仲可以試埋佢哋嘅意粉同埋多士😬近排好多餐廳都推出蜜瓜嘅甜點，而呢一度都有蜜瓜嘅特飲同埋pancake🤭不時不食呀，所以我未今次都試咗呢兩款新推出嘅產品💁🏻♀️炙燒半溶芝士吐司 $92今次特登試過佢吐司，佢既口味偏甜，有少少似奶蓋既味道，而多士入面夾左Parma Ham，咸香味十足，多士都幾大份架，一個人食應該會好飽肚💁🏻♀️粉紅吞拿魚貓耳朵粉 $112我個人本身都喜歡食貓耳朵粉，佢既意粉質地厚實，十分掛汁，粉紅色既醬汁其實係用紅火龍果加忌廉調配出黎既白汁，食落creamy順滑，原片呑拿魚扒食落厚實，啖啖肉既口感配埋意粉令人滿足💁🏻♀️凍提拉米蘇咖啡 $52之前見人飲已經覺得賣相好吸引，佢上面係放咗意大利餅乾同埋忌廉，下面係凍既咖啡，將所有忌廉同咖啡一齊之後會冇咁膩，不過口味偏向甜膩小小，適合唔鍾意飲太苦嘅咖啡嘅人飲用💁🏻♀️蜜瓜在沙冰降溫時 $68朋友
好日唔入馬鞍山，因為戲飛買一送一嘅關係特登入去馬鞍山睇咗場戲，順便食個午餐☺️同朋友去咗呢一間新開嘅Cafe食我哋都鍾意嘅疏乎厘pancake🫶🏻平時我就最鍾意飲佢地嘅咖啡，今次兩個人仲可以試埋佢哋嘅意粉同埋多士😬近排好多餐廳都推出蜜瓜嘅甜點，而呢一度都有蜜瓜嘅特飲同埋pancake🤭不時不食呀，所以我未今次都試咗呢兩款新推出嘅產品
💁🏻♀️炙燒半溶芝士吐司 $92
今次特登試過佢吐司，佢既口味偏甜，有少少似奶蓋既味道，而多士入面夾左Parma Ham，咸香味十足，多士都幾大份架，一個人食應該會好飽肚💁🏻♀️粉紅吞拿魚貓耳朵粉 $112
我個人本身都喜歡食貓耳朵粉，佢既意粉質地厚實，十分掛汁，粉紅色既醬汁其實係用紅火龍果加忌廉調配出黎既白汁，食落creamy順滑，原片呑拿魚扒食落厚實，啖啖肉既口感配埋意粉令人滿足💁🏻♀️凍提拉米蘇咖啡 $52
之前見人飲已經覺得賣相好吸引，佢上面係放咗意大利餅乾同埋忌廉，下面係凍既咖啡，將所有忌廉同咖啡一齊之後會冇咁膩，不過口味偏向甜膩小小，適合唔鍾意飲太苦嘅咖啡嘅人飲用💁🏻♀️蜜瓜在沙冰降溫時 $68
朋友嗰杯蜜瓜特飲味道香甜，有粒蜜瓜肉同埋蜜瓜果肉，帶有少少忌廉嘅滑溜，非常適合夏天飲用，同樣味道比較甜少少，如果飲唔到太甜的話記住同店員講要少甜呀💁🏻♀️蜜瓜在初夏升溫時(疏乎厘pancake) $142
重頭戲就梗係食疏乎厘pancake啦，同樣係有原粒蜜瓜肉，味道香甜，配搭上蜜瓜做嘅忌廉同埋焦糖脆餅，pancake嘅口味同埋味道都多咗層次，一客有三件，兩至三人都冇問題，價錢上面雖然偏貴少少，但係食得出蜜瓜好新鮮同埋好香甜，如果一齊share嘅話都可以接受嘅
張貼
