素年 (汝州街)

營業中

休息中

呢間深水埗嘅文青素食Café不嬲都人氣高企，環境舒服！餐廳走簡約清新風格，文青味十足，周圍擺滿書同綠色植物，令人感到非常cozy 😌。最重要係呢度主打純素餐點，提供創新又有營養嘅素食選擇，喺市面上真係唔多見，真係值得支持！我哋叫咗以下菜式 🍴瘋狂維他命C西柚香橙牛油果沙律 🥗呢個沙律絕對係一個健康之選！沙律有大量新鮮蔬菜，配埋香橙、西柚同牛油果，清新又豐富，仲有少少堅果碎增添咬口，整體味道層次非常好，食完感覺補充滿滿嘅維他命C，健康感爆棚！烤野菜牛油果中東鷹嘴豆泥碗 🥙呢道菜非常飽肚又充滿異國風情！用紅菜頭鷹嘴豆泥搽上意大利香草包上面好好食，而且仲有烤過嘅椰菜花同牛油果、蕃茄、豆腐，真係大滿足。同埋泰式香辣炸蝦秘製冬蔭意大利粉🍝冬蔭味嘅醬汁酸辣開胃，意大利粉嘅彈牙口感，而且份量好多而飲品方面叫左Hojicha Latte 🍵同埋Keto Lime Soda 🍋。焙茶Latte既茶味特出、入口好香濃。Keto Lime Soda 既甜味用左代糖生酮人士都岩味。