HIKARI

營業中

休息中

餐廳行木系文青風格，落地玻璃門投射陽光入嚟感覺好舒服。午市有二人lunch set $338，可以揀一款小食，兩款main，兩杯飲品，甜品就可以另外以優惠價加配。我哋兩個女仔驚食唔晒，又覺得甜品比小食更吸引，於是最後散叫咗冇叫餐。唔飲咖啡嘅我一向去Cafe 都係叫焙茶latte，呢杯香月園焙茶又真係幾香，濃淡適中，仲有好可愛嘅狗狗拉花。朋友叫咗一杯Dirty ，我就唔識飲咖啡，但同我想像中嘅Dirty唔係好似樣😂嘢食好快嚟齊，我哋叫咗一份雲吞同一份意大利飯。呢個黑松露雲吞係非常之香，重忌廉，不過有啲菠菜餡中和下，一啖接一啖停唔到口。好少係出邊食呢種雲吞，個皮好煙韌有嚼口。如果可以多啲菇仲好，因為好好食。醬油漬意大利飯都幾濃味，不過配埋頂頭嘅三文魚子都好夾，一食你就會知落咗海膽醬，因為海膽有些微苦味有啲失色。但整體都ok。叫埋份甜品填飽第二個胃😆焦糖脆脆餅冇得輸啦，中間嘅吉士都好正，但下面嘅Tiramisu我就覺得太酸太苦。一定要撈埋啲焦糖醬食先得。