究極堂 (蜆殼街)

營業中

休息中

朋友一直都提住呢間究極堂有幾好一定要去食，今日難得終於約到黎食，黎到真感覺都幾唔錯，我地簡左全吧枱，可以睇住師傅煮野又方便傾計。坐底侍應就好有禮咁招呼我地，又介紹左一啲特色推介。我見到佢竟然有沙律，就先叫1份溫泉蛋蟹肉沙律先。黎到唔只靚，仲好新鮮。 最鍾意佢又爽口又夠香，幾乎連醋都可以唔駛落。佢既壽司係即叫即做。今次叫左黑松露帆立貝，海膽醬燒赤蝦，魚子醬赤蝦，右口魚邊醬油漬，超好味。朋友介紹食既甜蝦唐揚，果然好味，成隻蝦炸得啱啱好，新鮮到連殼都咁好味。店員推介既究極金龍卷同明太子芝士玉子燒，同薯蓉廣島蠔，都係即做需時既手工菜。 真係好好食，有魚乾片，仲有金汨係面，好精緻，又好食。而明太子玉子燒真係好嫩滑既心機菜。仲有帶子他他同紫蘇免治雞軟骨串燒都好正。好難得廣島蠔同薯蓉咁夾，仲要好入味，夠熱得黎又唔會過熟。朋友果然冇介紹錯，真係值得黎食既超正日式料理。