影片
更多
2025-03-22
884 瀏覽
其實都係睇完網上既介紹先知道呢間餐廳既semi buffet，講到放題天花板咁正，所以今日先諗住黎試下，點知真係幾失望下。 今晚大約六點左右入到餐廳，店員都算熱情招待。坐低咗之後已經有個店員喺度介紹佢哋嘅半自助式放題 ，七折咗之後都要$498一位 ，因為本身網上睇都係介紹呢個半自助式放題，所以都諗住試吓。 佢有兩個餐，一個係帝王蟹腳，一個係大頭蝦 咁啱我同朋友兩個人嚟，所以就叫晒兩個餐試吓，因為佢每個餐都包咗啲唔同既前菜同小食，都係每個餐得一份。 好，咁叫咗兩個餐之後佢仲有張Menu係+$68無酒精飲品 / +$98就有埋清酒。我同朋友拎住張menu商量緊嘅時候，有個侍應就無啦啦走埋嚟話你影低咗個野飲Menu未，佢話想收走個Menu ，跟住我心諗我都未諗掂想飲邊個，我話等一陣先，同埋嗰陣我係差唔多最早入座，都唔需要咁快收走張Menu掛？要俾其他人睇咩？嗰一刻我已經黑人問號左。。🌚食物方面蟹餐：和風沙律，海膽蟹肉甜筒蟹腳(三舊左右)兩隻燒蠔(鹽味同黑松露)一隻燒蝦一隻燒帆立貝好耐冇食過熱嘅蟹腳冇我想像中咁鮮甜，反而仲覺得有少少鹹得濟海膽蟹肉甜筒幾有創意，但係味
今晚大約六點左右入到餐廳，店員都算熱情招待。坐低咗之後已經有個店員喺度介紹佢哋嘅半自助式放題 ，七折咗之後都要$498一位 ，因為本身網上睇都係介紹呢個半自助式放題，所以都諗住試吓。
佢有兩個餐，一個係帝王蟹腳，一個係大頭蝦 咁啱我同朋友兩個人嚟，所以就叫晒兩個餐試吓，因為佢每個餐都包咗啲唔同既前菜同小食，都係每個餐得一份。
好，咁叫咗兩個餐之後佢仲有張Menu係+$68無酒精飲品 / +$98就有埋清酒。
我同朋友拎住張menu商量緊嘅時候，有個侍應就無啦啦走埋嚟話你影低咗個野飲Menu未，佢話想收走個Menu ，跟住我心諗我都未諗掂想飲邊個，我話等一陣先，同埋嗰陣我係差唔多最早入座，都唔需要咁快收走張Menu掛？要俾其他人睇咩？嗰一刻我已經黑人問號左。。🌚
食物方面
蟹餐：
和風沙律，海膽蟹肉甜筒
蟹腳(三舊左右)
兩隻燒蠔(鹽味同黑松露)
一隻燒蝦
一隻燒帆立貝
好耐冇食過熱嘅蟹腳
冇我想像中咁鮮甜，反而仲覺得有少少鹹得濟
海膽蟹肉甜筒幾有創意，但係味道都係一般
燒蠔本身我都麻麻哋，但係燒蝦同帆立貝都可以嘅
至於大頭蝦餐：
牛油果醬凍豆腐沙律
日本真鯛6片
大頭蝦一隻
雜錦串燒5串
有菠蘿
豬肉
和牛粒
明太子雞肉
同冬菇
凍豆腐沙律係幾好食，日本真鯛唔係好識欣賞，大頭蝦除咗食蝦肉之外，最應該食蝦頭嗰啲膏，但係點知啲膏食入口覺得有啲怪怪地既味，食咗一兩啖就放低咗。雜錦串燒嗰度都正常嘅，除咗個明太子雞肉冇明太子味之外。
放題部份:
每次比得一張紙寫，仲有限住哂😓
都係得 共十一款壽司
（詳情睇Menu）
最好食嘅都係火炙三文魚同埋左口魚
明太子沙律算特別，其他地方未食過呢個口感
壽喜燒鍋可以再加A4和牛，豬肉，廣島蠔同埋野菜盤，壽喜燒鍋正常一般味道，本身係衝着佢啲A4和牛嚟食，第一碟嚟嘅時候真係覺得唔錯，個樣又靚，食入口都幾好味。點知再追加嘅時候就變咗第二樣嘢，又鞋又韌，係咪真係間間都係咁？至於佢啲北海道豚肉，痴線，一樣係勁鞋口，食完一塊已經唔想再食第二塊。都幾失望，因為好期待佢個A4牛，點知之後叫嗰啲都係唔好食。
溫泉蛋紫菜飯或者烏冬:
兩個都叫晒黎試，無咩特別好食既地方
烏冬食入口，我同朋友都覺得個汁有啲苦添，好怪，食咗兩啖都已經唔想再食。
最後埋單前有個豆腐味雪糕，ok好食。
總括而言:
食物真係冇我想像中咁好，單純係比網上介紹先黎試下，蟹腳同大頭蝦我會揀蟹腳嗰個餐，好食過大頭蝦。放題款式原來都得好少，其實串燒嗰啲都應該加埋落去放題囉。如果A4和牛keep到好似第一碟上咁靚嘅話，我會鋸D…..唯一可以讚嘅就係啲食物都上得好快，無漏單。但$498+埋飲品放題$68 再加1都成六百幾蚊，我覺得CP值真係太低，真係出去食其他放題好過😭😭唔好意思，我真係唔會再去呢間餐廳！
2 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
8 瀏覽
0 讚好
0 留言
12 瀏覽
0 讚好
0 留言
張貼
