正斗粥麵專家 (太古城中心)

營業中

休息中

昨日同啲朋友去咗呢間正斗食早餐，叫咗一碗泥鯭粥、兩個皮蛋瘦肉粥、一碟豉油王炒麵、一碗蒸蘿蔔糕，埋單要成五百幾蚊。正斗價錢貴就知㗎啦，但係又俾唔到相對應嘅食物質素，性價比價值非常低。皮蛋瘦肉粥，肉絲寥寥可見，啲皮蛋碎濕濕又唔靚，粥底煲得稀冇乜米咁，咁都收成差唔多$80碗。豉油王炒麵普通道爆，都要收過百元。蒸蘿蔔糕又整得好難食，整到一pat pat，口感超削，又冇乜蘿蔔味。呢啲咁差質素嘅食物，又要收到咁貴，真係唔會再幫襯。