楊記麻辣魚館 (九龍中心)

今日同太太去咗尖沙咀亞士厘道嘅「楊記麻辣魚館」試菜。舖頭新裝修，乾淨企理，有巴蜀風格。聽聞佢哋堅持即點即炒，唔用預製菜，即刻心心眼期待！

招牌蒜香江團魚一上枱就聞到濃郁蒜香，加上用火爐烘煮，魚肉嫩滑，蒜蓉炸得金黃香脆，撈埋秘製辣油，食落麻而不燥，辣度溫和得嚟夠醇厚，連平時怕辣嘅老婆都讚好！
揚州炒飯炒得夠鑊氣，飯粒分明，蝦仁份量足，$88呢個價位抵食。

特別要讚桂花冰粉，食完麻辣嘢啱啱好清潤返，桂花蜜清甜唔膩，每啖都透心涼。最驚喜係全店免加一，支裝Hoegaarden又大支又冰凍，兩個人埋單五百蚊有找，性價比高！

#杨记麻辣鱼馆 #香港川菜 #尖沙咀川菜 #正宗四川菜 #尖沙咀美食 #香港美食

1