影片
更多
2013-07-14
82 瀏覽
札根沙田二十多年的Parkview，我細細個由A1年代已經開始食起，特別有情意結！自從自由行進駐新城市廣場以來，更不斷見証Set Lunch價格創新高！雖然係咁，但品質總算仍然維持得到，絕對無欺騙觀眾！餐飽一如以往，仍然係超乎水準之作。麵飽上枱既時候香氣四溢不特止，入口既感覺重十分鬆軟。由於仍然有少少微溫既關係，當飽同牛油混合埋一齊既時候果種感覺真係好正，絕對唔係一般ABC餐之流！就算我食完去對面A1麵飽店買返一模一樣既飽返屋企整返熱都食唔返果種味道！雜菜湯方面略為甜左少少，但蕃茄既味道卻略嫌不足。另外，份量方面亦都比較偏細，大食如我既男士可能有少少「到喉唔到肺」既感覺。雖然係咁，裏面既料亦都算係好足，蔬菜同紅蘿白爽口之餘亦都冇太腍既感覺，算係交足功課。英式早餐非常特別，好少喺西餐廳Set Lunch時段食到。不過老實講，唔計個雜菜沙律其實只有半碟係早餐，但豬肉腸同埋煙肉都總算跟足傳同英式方法去煎。雖然較油，但反而可以因為咁食得出正宗英式既感覺。太陽蛋同蕃茄就一般啦，始終餐廳如果連呢兩樣野都做唔好真係唔可以接受。唯一要批評既係蘑菇稍為過淡，我相信廚師應該係將佢地放落水淥熟到七七八八再落
餐飽一如以往，仍然係超乎水準之作。麵飽上枱既時候香氣四溢不特止，入口既感覺重十分鬆軟。由於仍然有少少微溫既關係，當飽同牛油混合埋一齊既時候果種感覺真係好正，絕對唔係一般ABC餐之流！就算我食完去對面A1麵飽店買返一模一樣既飽返屋企整返熱都食唔返果種味道！
雜菜湯方面略為甜左少少，但蕃茄既味道卻略嫌不足。另外，份量方面亦都比較偏細，大食如我既男士可能有少少「到喉唔到肺」既感覺。雖然係咁，裏面既料亦都算係好足，蔬菜同紅蘿白爽口之餘亦都冇太腍既感覺，算係交足功課。
英式早餐非常特別，好少喺西餐廳Set Lunch時段食到。不過老實講，唔計個雜菜沙律其實只有半碟係早餐，但豬肉腸同埋煙肉都總算跟足傳同英式方法去煎。雖然較油，但反而可以因為咁食得出正宗英式既感覺。太陽蛋同蕃茄就一般啦，始終餐廳如果連呢兩樣野都做唔好真係唔可以接受。唯一要批評既係蘑菇稍為過淡，我相信廚師應該係將佢地放落水淥熟到七七八八再落鑊炒，只可惜用油同鹽既份量不足所以變得淡而無味，有少少失望。另外，茄汁豆好明顯係罐頭既質素，本來絕對無問題，只係reheat既時間唔夠，個sauce將D豆漿到好似一pat野咁，口感極差！
溫泉蛋野菜肉醬意粉方面，醬汁非常特別，不單食到蕃茄既香味之餘重有少少甜味，當佢溝埋溫泉蛋既蛋漿既時候，兩者既化學作用剛好令到味道更出，十分特別！意粉方面就一般一般，不提也罷，反而野菜方面非常出色，非讚不可！青瓜同南瓜放落肉醬意粉呢個組合較為少見，不過咁樣既配搭相對令到肉醬意粉唔會淨係得一pat肉咁齋，有d chunky D既蔬菜帶出爽口既口感之餘更加俾單單「食肉獸」既組合黎得更為健康，睇得出廚師喺諗菜式既時候真係有落過功夫，抵讚！
總括黎講，沙田既消費已經同銅鑼灣、中環等等既水平差唔多。不過唔緊要，只要交足功課的話，我相信大家仍然樂意花多一個幾毫去appreciate你地既effort的，加油！
張貼
