影片
更多
2022-06-26
1746 瀏覽
💎總評分：9.5/10-為左慶祝週年紀念又想試下新野，揾左呢間新開嘅日法fusion fine dine，Chef係90後港人👨🏻🍳，有7年西餐經驗曾任職米芝連餐廳🌟。樓上舖位隱蔽有格調，打開黑色大門就係開放式bar枱，每次只招待8位客人，加入日式omakase的元素🏯，客人可目睹整個過程，同廚師交流。🍽️Dinner Menu🍽️ (10-course 💰$1,380)晚市暫時得兩個menu，5-course $780，10-course $1,380。價錢不算平宜💸，但Fine dine嚟講算親民👍🏻。10-course嘅main可以揀pigeon，或好似小編咁+$340/位升級chicken🆙。1️⃣ Tuna 由卷成雪茄形狀嘅Tuna tartare首先揭開序幕，睇落似春卷皮嘅外層一咬就碎😋，入面嘅tuna好幼滑，加左海苔粉同柚子胡椒調味，辣辣哋食完好醒神👍🏻。2️⃣ Uni2nd course同屬finger food，細細口一啖一件啱啱好。海膽新鮮係基本的🌊，灑上青檸皮味道變得refreshing🌿，底下襯broiche toast，一個軟綿一個酥脆，口感一流👏🏻。3️⃣ Oyster
-
為左慶祝週年紀念又想試下新野，揾左呢間新開嘅日法fusion fine dine，Chef係90後港人👨🏻🍳，有7年西餐經驗曾任職米芝連餐廳🌟。樓上舖位隱蔽有格調，打開黑色大門就係開放式bar枱，每次只招待8位客人，加入日式omakase的元素🏯，客人可目睹整個過程，同廚師交流。
🍽️Dinner Menu🍽️ (10-course 💰$1,380)
晚市暫時得兩個menu，5-course $780，10-course $1,380。價錢不算平宜💸，但Fine dine嚟講算親民👍🏻。10-course嘅main可以揀pigeon，或好似小編咁+$340/位升級chicken🆙。
1️⃣ Tuna
由卷成雪茄形狀嘅Tuna tartare首先揭開序幕，睇落似春卷皮嘅外層一咬就碎😋，入面嘅tuna好幼滑，加左海苔粉同柚子胡椒調味，辣辣哋食完好醒神👍🏻。
2️⃣ Uni
2nd course同屬finger food，細細口一啖一件啱啱好。海膽新鮮係基本的🌊，灑上青檸皮味道變得refreshing🌿，底下襯broiche toast，一個軟綿一個酥脆，口感一流👏🏻。
3️⃣ Oyster嚟自海度嘅廣田県蠔超大隻🦪！綠色嘅醬汁其實係用日本萬能蔥熬製而成嘅油，利用食物原材料作為調味帶出大自然嘅味道🌱，加埋檸檬汁後🍋，鮮味更加突出。
4️⃣ Shi-ma edi食到4th course係經過特別手法醃製嘅縞蝦🦐，「縞」喺日文入面代表「橫紋」，所以名字源於身上面嘅pattern。傳統做法用昆布醃製，大廚仲特地用咗法國黃酒、日本白酒及清酒🍶去醃，配水雲、珍珠洋蔥、海葡萄、保留蝦既鮮味嘅同時，又酸酸地夠開胃😙，即刻ready食下一個course。
5️⃣ Pasta唔講唔知呢個pasta係凍食嫁🤭！好講究地用木魚水去煮，無落鹽純粹靠天然食材調味，煮好後用冰鎮方式keep住pasta質感🧊。畢竟係凍左嘅pasta，口感比一般熱食硬少少，望住Chef喺面前大大匙caviar放喺pasta上面真心爽🤤。
6️⃣ Chawamushi平價茶碗蒸食得多，fine dine level更係另一個級數啦🤪！用雞湯煮蛋，入面嘅食材分別有山茶菇、金菇、蟹肉🦀， 作為第一道熱盤，食出蛋香同濃濃嘅菇味。
7️⃣ Amadai橙金色嘅魚鱗喺燈光下更顯矜貴💛，做法係用熱油淋喺魚皮上面令魚鱗皮立體香脆。金鯛先用柚子皮吊味🍊，配特調嘅sake cream sauce ，魚肉鮮滑美味👍🏻。
8️⃣ Chicken雞係今晚嘅重頭戲🐔，混入中廚做法，喺表面加左蜜糖令外皮脆身🍯。伴隨嘅珍珠米飯好足料，一大鍋入面混入三文魚籽、雞油、蔥粒，個胃有位嘅話可以食晒成煲嫁🍚！黃油雞本身油膩，餐廳特別自家調製蝦膏醬汁，亦係成個主菜嘅精粹所在😻，用反縞蝦嘅鮮味balance整體味道。
9️⃣ Apple Tart開中小編最愛嘅apple dessert，蘋果好大舊🍎唔似有D餐廳勁簿一片咁，底下tart質感實在，小編覺得如果酥脆D或加crumbles會更有層次🙊。Vanilla ice cream好軟身🍨，半流質嘅狀態match with apple tart一流！
Fine dine好多時俾人一個貴但唔飽嘅impression😅，不過呢個menu除左好食之外亦份量十足，pasta同chicken（尤其係成煲飯）都好filling，presentation都係摘星級數🌠！餐廳環境裝修簡樸，未必好多位俾女仔打卡，但著重質感好cosy，若然一行8人包場就更爽💃🏻，新開業但唔多宣傳，價錢大部份都落喺食物嘅出品上，而且chef好nice，成個用餐體驗令人滿意♥️！-
環境服務：⭐⭐⭐⭐⭐
食物質數：⭐⭐⭐⭐⭐
打卡指數：⭐⭐⭐⭐
題外話/補充資料：
🚗 呢一帶有咪錶位同停車場，亦有大把人泊街，車住不成問題。
(以上食評乃用戶個人意見 , 並不代表OpenRice之觀點。)
張貼
