順德公漁村河鮮酒家

營業中

休息中

第一次黎順德公，本身係想黎食魚既，因為得兩個人，坐低左，就即刻問侍應有咩魚推介。跟住侍應就帶左我地出去揀魚。出到去，推介俾我地既魚，條條都二斤幾重，五百左右一條，已經同侍應講，我地得兩個人，有冇d細條d，事關食唔曬好浪費，佢好似借左聾耳陳隻耳甘，繼續推介二斤幾既魚，仲要我地未話ok，就話拎條魚去劏，好彩夠快反應，截停左佢劏魚，如果唔係就自己俾人劏，最後，我地揀左食魚頭煲算數。魚頭煲既魚頭煎得很乾身很香，魚頭亦新鮮，加埋薑蔥，好惹味。梅菜蒸菜心我見其他枱既食客都有叫，跟人叫，梅菜同菜心蒸埋一齊之後，d菜心好似甜左甘。炒米粉食炒米粉，最怕炒得唔乾身，呢度既炒米粉夠干身，而且有鑊氣，唔錯。d野食ok，本身已經唔太在意劏魚事件。好啦，於是食完就埋單，經理拎張單黎，我係甘二望望就諗住俾錢，但係見到張單有個項目係「芥菜$13」，不過我冇食過任何花生或者芥菜之類，所以就問經理，經理回答話呢個係茶錢，我就再問佢，張單上面已經有另一項寫茶錢喎，跟住經理仲要話係呀，我話我地冇食過芥菜花生，連辣醬都冇喎；最後經理先至話可以取消。嘩，甘做生意都得既，我覺得唔太老實，再加埋劏魚事件，即刻對呢間餐廳大打折扣！