Mansons Lot (汕頭街)

營業中

休息中

今日搵左間係灣仔嘅餐廳，算係鬧市嘅小淨土，餐廳附近有唔少嘅coffee shop，或者酒吧。今日就揀咗呢一間試一試。三文魚奄列：🅰️🅰️🅰️🅰️🅰️蛋好厚，煙三文魚份量多，輕輕嘅煙燻味同蛋好夾。蛋無過熟，仲有少少蛋汁流出😍必食之選！扇貝意粉：🅰️🅰️🅰️🅰️🅰️意粉無過熟，有Al Dente，淨係個意粉已經有質素👍🏻。特別要留意下呢款粉有少少辣度但配埋海鮮又幾夾😋帶子厚肉無話煎到過熟，幾好朱古力布朗尼配雲妮拿雪糕：🅰️🅰️🅰️🅰️熱辣辣嘅布朗尼再加半融嘅雪糕，真係無得輸，作為全餐最後嘅甜品好滿足。呢度仲有唔少特色飲品，我地叫左杯紅嗓子茶同埋Tonic Espresso Bomb，特別想提下後者，因為可以好似飲cocktail 咁丟杯Espresso 落Tonic水度，玩味同味道都十足😎。總括嚟講，呢間係大廈林立嘅灣仔鬧市，有間可以悠閑地飲杯酒/咖啡，再食一餐有質素嘅晚餐，非常適合一眾附近工作嘅打工仔嚟試下！推介畀大家！