影片
更多
2023-03-29
51 瀏覽
沙田新城市餐廳好多元化，今日同屋企人揀左呢間幾乎滿座既中菜食。我地二人叫左蟹粉豆苗、招牌雙色蟹膏撈面、原味小籠包、香酥豬扒擔擔面同兩杯自定制飲品。蟹粉豆苗有別於同平時食既豆苗，呢種豆苗更細幼，面頭鋪滿蟹醬，令每一根幼苗都沾到，健康得黎又惹味原味小籠包就一份就兩隻，小籠包上有枝少針筒入面裝有喼汁，自己想食幾多就吱幾多，好新奇!!一咬小籠包裹面既肉汁就爆出黎，雖然要趁熱食，但都要注意唔好辣親口。雙色蟹膏撈面係幾值得讚嘆，唔好以為得個碗大，份量都好多，原隻蟹蓋上，將蟹膏蟹醬撈均勻，味道唔會太咸，面質彈牙，又唔會太淋。香酥豬扒擔擔面，相對黎講重口味左少少，但勝在夠香花生味，豬扒雖厚身，但就非常之淋，有驚喜另一樣幾欣賞既係呢到既自家制飲品，我地叫左黑糖三棗桂圓薑母茶同竹蔗茅根馬蹄意米水。好足料之餘，唔會太死甜，好怕飲到D多糖既飲品，呢到就唔會啦，所以推仲比大家
我地二人叫左蟹粉豆苗、招牌雙色蟹膏撈面、原味小籠包、香酥豬扒擔擔面同兩杯自定制飲品。蟹粉豆苗有別於同平時食既豆苗，呢種豆苗更細幼，面頭鋪滿蟹醬，令每一根幼苗都沾到，健康得黎又惹味原味小籠包就一份就兩隻，小籠包上有枝少針筒入面裝有喼汁，自己想食幾多就吱幾多，好新奇!!一咬小籠包裹面既肉汁就爆出黎，雖然要趁熱食，但都要注意唔好辣親口。
雙色蟹膏撈面係幾值得讚嘆，唔好以為得個碗大，份量都好多，原隻蟹蓋上，將蟹膏蟹醬撈均勻，味道唔會太咸，面質彈牙，又唔會太淋。香酥豬扒擔擔面，相對黎講重口味左少少，但勝在夠香花生味，豬扒雖厚身，但就非常之淋，有驚喜
另一樣幾欣賞既係呢到既自家制飲品，我地叫左黑糖三棗桂圓薑母茶同竹蔗茅根馬蹄意米水。好足料之餘，唔會太死甜，好怕飲到D多糖既飲品，呢到就唔會啦，所以推仲比大家
張貼
