紫宸

營業中

休息中

上次朋友推介過呢間餐廳，今次午餐就過嚟食下先。餐牌有好多嘢揀，好多嘢都想試試，真係好三心兩意。我見餐牌上面標示咗好幾樣推薦嘅食物，所以就點嚟試下先。午餐點咗個小食，牛肉麵同埋凍飲。百香果綠茶$18台灣料理點會少得台式嘢飲，除咗珍珠奶茶之外，水果茶都係唔錯嘅選擇。綠茶加咗百香果，甜甜哋，仲有幾片檸檬，味道甜中帶酸，幾清新！台灣香腸$36台灣夜市嘅必食小食之一，香腸色澤好紅潤，中間夾雜咗啲肥肉，咬落去肉汁出晒嚟。紅燒牛肉湯麵$58牛肉麵個湯底好濃郁，牛肉炆得好軟腍。麵質煙煙韌韌，好Q彈。最出色莫過於蘿蔔，完完全全索晒啲湯汁同埋牛肉嘅味道。