雲川百味

營業中

休息中

元朗米線鋪每間都有自己特色同味道，呢間我鐘意佢大大間，有卡位坐，又有陽光，同埋我鐘意佢個豬骨湯底，唔係清湯顏色個種，叫咗微辣，但其實完全唔辣！米線套餐包一款餸$48，每加一個餸就$10，送熱飲，個價錢都ok！一碗係豬骨湯米線配咗豬扒條同墨魚咀，豬扒條都算淋，墨魚咀幾多粒。另一碗係酸麻樂金湯米線配豬頸肉同豬軟骨。酸麻樂金湯味道會比較酸，一開始飲嘅時候有啲麻，之後就有酸菜嘅酸味，同豬骨湯嘅顏色好接近！呢度個人覺得最好食嘅係豬頸肉同豬軟骨，豬頸肉好入味，豬軟骨就好淋好大舊。我哋仲叫咗一款小食，日本海苔魷魚燒，呢款幾大食，魷魚幾粗身。