小娘酸菜魚

入去食左兩次堂食，次次都係掛住做外賣單。

幾枱堂食嘅客都等左45分鐘以上先開始有野食。堂食落單次序亦不分先後，後叫者反而先上菜。佢上凍飲，等到連冰都融哂！當你等到盤酸菜魚又未有白飯，個白飯再等30分鐘！係想叫人齋食白飯？真係以為自己食緊fine dining，食足三個鐘！大家都等到好忟！

你叫佢跟單，都係「得得得得」敷衍你就算。做唔切就唔好學人接外賣啦。

唔好幫襯呀！除非你大把時間、唔怕餓親、唔怕劣質服務態度！記得要食飽先好去幫襯呀！