影片
更多
2021-05-26
302 瀏覽
上環蘇杭街出名多cafe，今次介紹既呢間cafe，係上年四月開業，主打高質精品咖啡，最出名係佢地拿手既3D立體拉花咖啡，圖案仲有好多選擇。餐廳門面係湖水綠色，上次食喇沙都有經過見過依間餐廳門口好靚，一邊環境行工業風，除咗可以見到有幾個酒櫃，提供唔同年份唔同產地嘅紅酒、白酒、氣泡酒，可以配合唔同嘅嘢食，仲見到唔少Ironman 既figure，裝修唔馬虎幾有特色，鍾意marvel嘅人有福，餐廳主要播住歐美歌曲，邊食邊聽幾寫意。雖然佢叫Friday cafe，但我係星期六先有機會試呢間餐廳。餐廳喺兩點半之前都係午餐嘅餐牌，叫咗一個意大利飯同有👍既油封鴨髀試下。-1️⃣ 油封鴨脾配提子紅酒汁伴炒雜菜 💰158（👅: 7.5/10）鴨脾嘅肉整到非常嫩，鴨肉好易骨肉分離，輕輕用叉好易就可以分開啲肉，食落食得出鴨肉嘅味，但唔會話食到騷味，啲肉都唔會話好肥膩，佢隔離仲有個提子紅酒汁，點左更加惹味，有小小油香味，不過如果鴨肉同鴨皮可以再入味啲，唔使靠紅酒汁會更好。隔離嘅配菜都豐富，有炒雜菜、椰菜花、薯仔、茄子等等，都有炒香過同有調味，幾鍾意薯仔同茄子，食落有少少鹹味。-2️⃣ 森林牛肝菌汁大啡菇意大利飯 💰1
上環蘇杭街出名多cafe，今次介紹既呢間cafe，係上年四月開業，主打高質精品咖啡，最出名係佢地拿手既3D立體拉花咖啡，圖案仲有好多選擇。
餐廳門面係湖水綠色，上次食喇沙都有經過見過依間餐廳門口好靚，一邊環境行工業風，除咗可以見到有幾個酒櫃，提供唔同年份唔同產地嘅紅酒、白酒、氣泡酒，可以配合唔同嘅嘢食，仲見到唔少Ironman 既figure，裝修唔馬虎幾有特色，鍾意marvel嘅人有福，餐廳主要播住歐美歌曲，邊食邊聽幾寫意。
雖然佢叫Friday cafe，但我係星期六先有機會試呢間餐廳。餐廳喺兩點半之前都係午餐嘅餐牌，叫咗一個意大利飯同有👍既油封鴨髀試下。
-
1️⃣ 油封鴨脾配提子紅酒汁伴炒雜菜 💰158（👅: 7.5/10）
油封鴨脾配提子紅酒汁伴炒雜菜
$158
10 瀏覽
1 讚好
0 留言
鴨脾嘅肉整到非常嫩，鴨肉好易骨肉分離，輕輕用叉好易就可以分開啲肉，食落食得出鴨肉嘅味，但唔會話食到騷味，啲肉都唔會話好肥膩，佢隔離仲有個提子紅酒汁，點左更加惹味，有小小油香味，不過如果鴨肉同鴨皮可以再入味啲，唔使靠紅酒汁會更好。
隔離嘅配菜都豐富，有炒雜菜、椰菜花、薯仔、茄子等等，都有炒香過同有調味，幾鍾意薯仔同茄子，食落有少少鹹味。
-
2️⃣ 森林牛肝菌汁大啡菇意大利飯 💰118（👅: 8/10）
森林牛肝菌汁大啡菇意大利飯
$118
14 瀏覽
1 讚好
0 留言
比起牛油封鴨脾我更加鍾意意大利飯。牛肝菌汁味到幾香，滲入意大利飯每一寸，同意大利飯配合得好好，調味適中唔會過鹹。
意大利飯都有一定程度嘅硬度，唔會話太過濕潤太過腍，有一定程度嘅濕潤但唔會濕到爛晒，唔會有過多嘅水份，意大利飯咬落幾煙韌，中間仲夾雜着啲雜菇，食落唔單調而且幾有菇香，比起意大利飯我覺得上面嘅大啡菇更出色，調味得好而且有輕微烤過黎，食落入味。
-
3️⃣ 3D Chocuccino +💰45（👅: 8/10）
❗️星期一至六1400-1900提供
呢度係呢間cafe招牌3D拉花，就算唔飲咖啡既人都可以試，因為隨左cappuccino同mocha，可以揀chocuccino(朱古力)，揀完下面飲咩可以揀拉花圖案。係menu上見到有9個選擇，比較人氣既係布甸狗同雙貓拉花，menu以外既上網有見過可以4隻貓既拉花添，想要求menu以外既圖案唔太複雜應該都可以。
我就揀左鬆馳熊，因為好似無見過鬆馳熊既拉花，而且似既話會好CUTE。店員上枱時可以見到鬆馳熊非常動L，唔似其他cafe既拉花郁幾下就會沉左落去，呢個係會回彈。
3D Chocuccino
$45
29 瀏覽
1 讚好
0 留言
鬆馳熊非常之似同可愛，好似望住你咁，完全唔捨得飲，而且細緻地方係佢唔止得個頭仲有個身，可以見到佢有後腳，姿勢就好似趴係個朱古力上面望住你咁，而且係有上色既3D拉花，會係身、鼻、耳仔同眼分開上色，非常細心，呢樣係其他cafe好難見到，要挑剔既可能係佢個顏色比起真既鬆馳熊淺色啲。而且要讚既係呢杯拉花就算擺到差唔多食哂主菜，佢都無完全塌哂落去，只係塌左小小。
至於朱古力飲落係比較普通既朱古力，朱古力唔算濃比較淡，所以都唔會太甜同太苦，不過醉翁之意不在朱古力，淨係上面拉花既技術同功夫已經值回票價。
-
4️⃣ Ice Lemon Tea +💰0（👅: 7.5/10）
Ice Lemon Tea
7 瀏覽
1 讚好
0 留言
飲落係一杯正常嘅凍檸茶，茶味足夠，甜度正常，檸檬夠酸，夏天就係要飲返啲凍野。
-
🌟
餐廳嘅環境唔錯，如果係好天嘅時候，近餐廳嘅兩三枱都可以滲到日光，影相就更加靚。餐廳衛生程度都可以，係餐具同餐枱都唔會話見到污跡，另外入過去廁所都幾企理，唔會話污糟。
食物質素我覺得係正常cafe質數，價錢喺中上，週末去餐廳未到坐滿哂，幾適合兩個人或者一班人喺度叫嘢食傾吓計，店員都唔會話趕時間趕人走，店員服務態度都唔錯，上菜速度都幾快。當然今次嘅重點就係佢嘅招牌3D拉花，持久力實在係我去過咁多間最強一間，久久都係屹立不倒，而且像真度非常高，如果好鍾意打卡嘅人好值得黎，或者住附近嘅人都係一個幾好嘅選擇，留意如果太早或者太夜未必有3D拉花。嘢食方面如果唔係食午餐餐牌，黑松露野菌意粉、忌廉蟹肉意大利飯、白汁海鮮千層麵、黑松露薯條、脆燒德國鹹豬手都係人氣之選。
-
👅味道: 8/10
🍴環境: 7/10
💰消費: $323 (服務費: 10%)
張貼
