原作養生湯米線

營業中

休息中

今日同朋友喺黃埔睇完戲，嚟左呢間主打健康養生嘅湯米線餐廳食下午茶。不過吸引我嘅並唔係佢哋嘅湯米線，而係招牌海龍皇泡飯。之前喺度試過佢哋嘅鯛魚片龍蝦湯泡飯，覺得個湯底幾好味，而且鯛魚嫩滑。難得今日再嚟黃埔，好想試埋個招牌海龍皇泡飯。朋友就比較鍾意食米線，所以揀咗桃膠蟲草花椰子雞湯米線。❣️招牌海龍皇泡飯，湯底濃郁鮮味，裏面有半隻龍蝦同一隻元貝。龍蝦肉新鮮彈牙，元貝又大大隻，泡飯上面仲加咗澳洲脆米，口感更特別。不過今次個湯底比上次偏鹹左啲，不過整體都算美味。😋❣️桃膠蟲草花湯米線嘅湯底清甜，雞肉幾嫩滑。我本身唔食米線，所以冇試到。但朋友就覺得米線偏腍咗少少。