影片
更多
2004-06-17
81 瀏覽
日本妹功成身退，作為東道，點都要食番一餐餞行，問佢想食咩，佢話來香港咁多次都食過好多中國野，今次食番粵菜啦。才醒起呢度的粵菜都唔錯，加上是會所，環境唔錯，清淨一點，亦方便傾計。可惜今日大部份同事都在廣州搏殺緊，所以連老婆大人都要出動來充撐場面，以湊夠半圍六人之數。<br />呢度行會員制，訂位要用會員名，以前check得幾嚴，一定要會員在席至得，不過因為家陣市道唔好，競爭又大，所同大部份中環的其他會所般放鬆了限制，現時已不用會員在席。<br />菜式是家庭式的粵菜，價錢大約五十零、六十蚊一碟，味道精緻，不走大碟抵食的路線。六個人，叫了幾款餐前小食，生汁蝦球、無錫骨、香煎銀雪魚、脆皮雞、梅菜肉鬆蒸茄子同花膠瑤柱海皇羹。餐前小食叫了蝦多士、椒鹽豆腐、炸蝦片及甜合桃。其中以蝦多士最有水準，炸得香脆又不油膩，在面頭的蝦膠亦美味，不可錯過；椒鹽豆腐細細粒，亦是送啤酒的佳品。幾個小菜碟頭不大，但普遍來說都好有水準。生汁蝦球雖然價錢較貴，要98蚊一碟，都係得八隻蝦球左右，但隻隻大大隻，走過油亦上了沙拉汁，面頭灑了幾粒芝麻，肉質彈牙鮮美，香口又好食，值得一試；無錫骨肥廋
呢度行會員制，訂位要用會員名，以前check得幾嚴，一定要會員在席至得，不過因為家陣市道唔好，競爭又大，所同大部份中環的其他會所般放鬆了限制，現時已不用會員在席。<br />
菜式是家庭式的粵菜，價錢大約五十零、六十蚊一碟，味道精緻，不走大碟抵食的路線。六個人，叫了幾款餐前小食，生汁蝦球、無錫骨、香煎銀雪魚、脆皮雞、梅菜肉鬆蒸茄子同花膠瑤柱海皇羹。
餐前小食叫了蝦多士、椒鹽豆腐、炸蝦片及甜合桃。其中以蝦多士最有水準，炸得香脆又不油膩，在面頭的蝦膠亦美味，不可錯過；椒鹽豆腐細細粒，亦是送啤酒的佳品。
幾個小菜碟頭不大，但普遍來說都好有水準。生汁蝦球雖然價錢較貴，要98蚊一碟，都係得八隻蝦球左右，但隻隻大大隻，走過油亦上了沙拉汁，面頭灑了幾粒芝麻，肉質彈牙鮮美，香口又好食，值得一試；無錫骨肥廋相間，煮得酥軟，個酸甜汁用五柳、梅子及醋，調得很好，亦好有水準；香煎銀鱈魚切得薄薄亦煎得香脆，配以沙律醬，呢味專為日本妹而叫，佢食得好高興；脆皮雞還可以，但肉是略為過乾，過火了些少，沒有了應有的豐富口感，始終覺得呢一味菜仍以鳳城及東寶最出色；梅子肉鬆蒸茄子亦不俗，梅子加肉鬆，送飯一流！
甜品是蕃薯糖水，這裡的蕃薯糖水加入了花旗參去煲，不太甜亦有參的甘甜味道，一流，是從來未吃過這般美味的蕃薯糖水，要十五蚊一位都值得一試。
侍應招呼相當貼身週到，加茶加水收碟等都跟得好足。
連埋啤酒汽水，埋單近九百。地方好坐，菜色有水準，服務又好，是值得一試的。
To Openrice Editor：這裡位於南華大廈4樓，請更新。
張貼