LAB EAT Restaurant & Bar (金巴利道)

營業中

休息中

紀念日想搵間好既西餐廳食晚飯，見呢度好受歡迎一於訂枱試下。餐廳入面有好吸睛既bar枱位同水晶吊燈，幾有情調咁。叫左二人套餐，一人一杯香檳，配埋幾隻即開生蠔，接著就上左個煙燻沙甸魚前菜，連埋上面用醋醃過既魚籽同番茄粒一齊食，幾特別既配搭。之後既煎半熟北海道帶子配菠菜蓉擺盤好靚，未食先影個相打卡～帶子煎到半熟，保持到鮮甜外，口感亦好柔軟。牛肝菌湯都落足料，飲得出滿滿既菌菇顆粒感。最期待既主角終於出現了～澳洲M5和牛牛柳，最邪惡既係上面既鴨肝，一啖食晒鴨肝個份油香同和牛既肉汁，完美配搭！飽左七成之後仲有個西班牙紅蝦意粉，將紅蝦蝦頭油撈落意粉度，真係幾飽都可以清晒去。最後甜品竟然仲有大大舊朱古力蛋糕，幾乎食唔晒，好在有個甜品胃～整體食物都有中上水平，唯獨係覺得呢個價位既餐廳，服務須素可以改進得更好。