影片
更多
2023-05-29
21 瀏覽
3日長假期前夕，收工梗係食餐好，上網搵見到呢間環境同嘢食好似唔錯，所以就同老公嚟試吓。舖頭細細間，但座位夠闊落，裝修又新淨，擺設又用心，所以坐喺度都已經心曠神怡。Dinner set送芝士同自家製麵包做前菜，熱辣辣又鬆軟，好好味。而是日餐湯係南瓜湯，好多南瓜蓉，好甜好creamy，係我全晚嘅最愛。頭盤揀咗個神石榴酸橘汁醃海鮮，酸酸味味，夏天食呢個啱晒？另一個叫做香煎法國鵝肝，鵝肝本身偏膩，但佢陪咗個醋漬青提子同青蘋果蓉，令到成個感覺好fresh！主食方面，有一個叫做威尼斯鴨肉醬手打意粉（$388），麵質夠彈牙煙靭，個肉醬鹹淡味適中，連埋啲鴨絲，係食過最特別嘅肉醬意粉！而另一個叫做油封黑線鱈魚（$488），佢用咗墨西哥做法，所以個汁係酸酸辣辣，好有創意好特別，魚皮仲係自己烤到好脆。最後點少得甜品，伯爵茶奶凍係送嘅，超高質，伯爵茶味好龍，成個奶凍好滑好香！加錢都要食！令一個就係我哋加$39叫嘅tiramisu，唔會太甜，整體來講佢嘅甜品都係好高質！見到promote寫住有鮮味生蠔 Oyster Combo，$168 (6隻生蚝) 送白酒兩杯，$298 (12隻生蚝) 送白酒一支，下次要留肚
舖頭細細間，但座位夠闊落，裝修又新淨，擺設又用心，所以坐喺度都已經心曠神怡。
Dinner set送芝士同自家製麵包做前菜，熱辣辣又鬆軟，好好味。
而是日餐湯係南瓜湯，好多南瓜蓉，好甜好creamy，係我全晚嘅最愛。
頭盤揀咗個神石榴酸橘汁醃海鮮，酸酸味味，夏天食呢個啱晒？
另一個叫做香煎法國鵝肝，鵝肝本身偏膩，但佢陪咗個醋漬青提子同青蘋果蓉，令到成個感覺好fresh！
主食方面，有一個叫做威尼斯鴨肉醬手打意粉（$388），麵質夠彈牙煙靭，個肉醬鹹淡味適中，連埋啲鴨絲，係食過最特別嘅肉醬意粉！
而另一個叫做油封黑線鱈魚（$488），佢用咗墨西哥做法，所以個汁係酸酸辣辣，好有創意好特別，魚皮仲係自己烤到好脆。
最後點少得甜品，伯爵茶奶凍係送嘅，超高質，伯爵茶味好龍，成個奶凍好滑好香！加錢都要食！令一個就係我哋加$39叫嘅tiramisu，唔會太甜，整體來講佢嘅甜品都係好高質！
見到promote寫住有鮮味生蠔 Oyster Combo，$168 (6隻生蚝) 送白酒兩杯，$298 (12隻生蚝) 送白酒一支，下次要留肚嚟試吓。
張貼
