麵屋丸京

營業中

休息中

都係個句，最近識左個葵芳女朋友，同佢係葵廣新都會個邊都食到厭，就搭港鐵去荃灣路德圍搵野食，去到見到又串燒又豆花又盛，拍拖掃街呢D野係中學生先會做，我作為一個色飲色食既型棍子，當然會搵間有得坐低慢慢食既鋪頭啦。 行行下女友話想食三哥，我嬲到即刻同佢講分手，我知道我同佢唔會再走到落去，仍明白無謂再浪費時間既呢段感情入面，恢復單身既繼續行，行行下見到間拉麵鋪就入左去。入到去見到裝修都算係咁，除左Ｄ侍應們成熟左少少之外都無咩唔滿意，係度講多小小教大家點樣分辨一間拉麵鋪頭正唔正宗，如果你見到佢拎埋黎杯水係熱既，請你即刻起身走人，原因我遲D再同大家講。 講返食物，我就叫左個濃湯極上拉麵，叉燒，好味，濃湯，夠濃，麵，軟硬適中，唔洗５分鐘我就食哂湯都飲埋，我起身俾錢走人。