牛大人台灣火鍋吃到飽 (大鴻輝(荃灣)中心)

營業中

休息中

最近，我同朋友一齊去咗食牛大人嘅自助火鍋套餐。今次我叫嘅套餐有和牛同豚肉任食，非常之抵食。和牛呢一碟㗎牛肉份量非常之多，牛肉脂肪分布啱啱好，入口即化。雖然牛肉味唔算好得出，但係肉質好柔滑。重點係一碟牛肉可以任點，不過牛肉入口偏肥膩，其實都食唔到幾多碟。豚肉呢一碟嘅豬肉亦都好特別，豬肉嘅味道非常之香濃，我忍唔住食完一片又一片。芋頭貢丸次次嚟到牛大人，我都會去拎佢哋嘅芋頭貢丸，佢地嘅貢丸包含住一粒粒嘅芋頭，真係非常之特別。除此之外，佢哋亦都有提供唔少小食，我自己就叫咗佢哋嘅木魚豆腐，味道非常之唔錯。甜品方面，佢哋有雪糕轉櫃，當中包括唔少牌子㗎雪條同埋雪糕。我自己都拎咗幾款雪條，味道都唔錯。