茜廊餐廳 (天盛商場)

營業中

休息中

天盛商場一樓有間茜廊，見門口冇人排隊，又同同事一齊走去食先。基本上唔洗等位，行入去自己揀位。叫咗個鴛鴦焗飯，佢包蒜蓉包，同一碗白湯（忌廉湯）。忌廉湯好thick好肥，入面冇乜料，味道一般。蒜蓉包脆身，蒜蓉味唔算濃。鴛鴦焗飯一邊係龍脷柳芝士，一邊係鴨胸茄汁。鴨胸算多，番茄味道ok，唔會好鹹。芝士味濃，龍脷柳唔算大塊，不過煮得唔柴唔乾，個白汁好厚。成個鴛鴦焗飯都唔會好乾。檸檬茶，個茶底比較濃。總括嚟講，正正常常冇乜特別，但係都唔平，就唔係好抵了。