影片
更多
2024-01-26
329 瀏覽
今次我地又去尖沙咀韓國街食野，呢間餐廳由正宗韓國人打理，餐廳入面嘅員工聽到佢地都講韓文，其中有一兩個都識啲廣東話！入到餐廳隔離枱已經係韓國人，就好似去咗韓國咁！好有氣氛！🇰🇷🇰🇷🇰🇷今次我地2個人食，就揀咗BBQ牛肉拼盤 Set A（$560）呢個牛肉拼盤包咗四款牛同埋湯，我哋就揀咗大醬湯。首先嚟嘅係牛肉拼盤一嚟到就已經俾佢份量嚇親因為個量唔細，肉眼仲要好大塊！啲牛嘅紋理仲好靚一睇就知高質！事不宜遲即刻燒嚟食先！四款牛都肉味都好濃，但係口感就好唔一樣！我自己最鍾意就係肉眼因為夠淋身，大大塊好好肉！🥩不過食得多肉都會有啲膩，但唔驚！因為間餐廳都有好多韓國小菜同埋生菜準備左比你，比你包住舊肉黎食，食多2件都唔怕啦！重點係！小菜同埋生菜都係任fill既，咁就唔洗就住就住黎食啦‼️至於個大醬湯嚟到嘅時候係滾住咁上枱，新鮮滾熱辣！個味道我就覺得啱啱好唔會太濃，入面仲有好多料，有好多翠玉瓜，蜆，同埋洋蔥，個口感好豐富如果配埋白飯食嘅話就一定仲正😋水冷麵（$90）我食完韓式燒肉臨尾都鐘意叫個水冷麵，因為水冷麵酸酸地凍凍地有解膩之用。個水冷麵上枱時，個韓國姐姐已經好貼心咁即刻喺我哋面前幫我哋剪開個面，等
今次我地2個人食，就揀咗BBQ牛肉拼盤 Set A（$560）
呢個牛肉拼盤包咗四款牛同埋湯，我哋就揀咗大醬湯。首先嚟嘅係牛肉拼盤一嚟到就已經俾佢份量嚇親因為個量唔細，肉眼仲要好大塊！啲牛嘅紋理仲好靚一睇就知高質！事不宜遲即刻燒嚟食先！四款牛都肉味都好濃，但係口感就好唔一樣！我自己最鍾意就係肉眼因為夠淋身，大大塊好好肉！🥩
不過食得多肉都會有啲膩，但唔驚！因為間餐廳都有好多韓國小菜同埋生菜準備左比你，比你包住舊肉黎食，食多2件都唔怕啦！重點係！小菜同埋生菜都係任fill既，咁就唔洗就住就住黎食啦‼️
至於個大醬湯嚟到嘅時候係滾住咁上枱，新鮮滾熱辣！個味道我就覺得啱啱好唔會太濃，入面仲有好多料，有好多翠玉瓜，蜆，同埋洋蔥，個口感好豐富如果配埋白飯食嘅話就一定仲正😋
水冷麵（$90）
我食完韓式燒肉臨尾都鐘意叫個水冷麵，因為水冷麵酸酸地凍凍地有解膩之用。個水冷麵上枱時，個韓國姐姐已經好貼心咁即刻喺我哋面前幫我哋剪開個面，等我哋方便啲食。呢度嘅水冷麵個味好正宗同我喺韓國食嘅味有九成相似😍
另外值得一提嘅係呢度啲侍應都好有禮貌，經常都睇吓客人有乜嘢需要，服務態度好好，要表揚下佢地🙌🏻 下次想食韓燒會再黎試下其他野
張貼
