新羅寶韓國餐廳

營業中

休息中

很久之前同朋友黎過這裡吃飯，今次就跟另一半來到!餐廳座位都好多，環境都好大!餐牌上有多款種類食物可以選擇，烤肉、韓式料理等，另外亦有套餐可以選擇!點餐後店員為我們送上前菜，有泡菜兩款、芽菜、菠菜、蓮藕等!我們揀選了一個Set B二人套餐，有烤肉、南瓜粥、粉絲、韓式拌飯、大醬湯同埋飲品，超抵食!烤肉，烤肉包括有牛排骨肉、烤去骨豬肉同埋烤雞肉!三款都是有醃製過的，食落肉有韓式烤肉的醬汁甜味!肉的份量二人食剛剛好，還配有生菜，可以跟烤肉同泡菜一齊食，特別美味!韓式炒粉絲，粉絲的份量不會太多，不會炒得好油，用上冬菇、紅蘿蔔、洋蔥、菠菜一齊炒，味道亦不會太咸!南瓜粥，第一次食韓國的南瓜粥，原來味道甜甜的，而且凍凍的，食完烤肉食，喉嚨幾舒服!韓式拌飯，韓式拌飯用上蘿蔔絲、菠菜、芽菜、牛肉、冬菇、翠玉瓜等，拌入韓式辣醬一齊食，味道辣辣地，而且也有不少飯焦，口感豐富!大醬湯，大醬湯味道好濃郁，有大量洋蔥、豆腐、翠玉瓜等，足料又惹味!