皇室冰廳 (已結業)

係附近返工同同事搵間茶記食下，另一位同事推介又近又好食就試下，因為肺炎餐廳都有做好防範意識擺曬膠板隔開枱。我叫左個全日餐有沙嗲牛麵搭配牛油多士同火腿奄列，沙嗲牛份量都幾多，而且個牛肉汁好香濃，撈埋湯麵都唔會溝淡曬仲係好有味，麵質中意佢淥到啱啱好，唔好稔到一pat嘢咁仲有啲口感，麵餅份量都ok，麵包有烘底所以巿脆邊，脆卜卜好味啲，奄列啲蛋好香滑，另外叫左個椰汁紅豆冰小冰多奶，夠曬甜，加冰好爽，紅豆都幾多下，22蚊都幾大杯，飲到飽曬！