四點金飯店

營業中

休息中

同屋企人食飯，有長輩當然食中菜啦，所以揀咗依間潮州菜。杏汁白肺湯潤肺足料，適合有涼意的秋冬天氣，轉季最啱飲。豉汁蒸烏頭 烏頭上面的蒜茸、豆豉同蔥花令整體更好味，烏頭鮮味不鞋身。鳳梨梅羔一字骨啖啖肉的選擇，醬汁好開胃。金不換豆醬雞球煲上菜時夠晒熱辣辣，金不換加上潮州豆醬，令到雞球味道濃郁香濃，非常下飯。金沙焗鮮魷鮮魷夠厚身，味道非常惹味脆口，十分推薦！潮州鮮蝦炒粗麵份量夠大，有不少爽口的蝦仁，炒麵味道不錯，調味剛剛好。最後有是日甜品燉木瓜，夠晒清潤，食完所有菜式後食都不會覺得好大負擔。套餐好抵食，而且食物份量大，環境同味道不錯，最適合同屋企人一家大細食嘅中式餐廳。