影片
更多
2024-04-18
118 瀏覽
見平時成日都要排隊今日有咁岩有位，就試試佢，真心係幾高質既!濃蝦湯海鮮湯飯追加蒜香雞翼蝦味好濃厚而且完全唔腥，飯粒完全充滿住蝦湯既鮮味，配料上都好豐富，有魷魚圈、蜆、青口、蝦、冬菇同帶子，基本上每啖都有海鮮配料，而且整體都夠鮮味爽口，特別係帶子真係彈牙有口感! 追加既蒜香雞翼都好高質! 蒜香味十足而且炸得岩岩好，熟透又保留到肉質鮮嫩，16蚊2隻好抵食!鮮茄焗豬扒飯朋友叫既呢個焗豬整體都好好食，炒飯底粒粒分明而且醬汁酸甜度平衡得好好，食落好開胃! 豬扒都煎得好香，又係保留到肉汁唔會乾爭爭!蒜蓉汁雞扒滑蛋包飯呢個似乎係呢到既招牌，因為見好多人都有嗌! 蛋香味十足而且真係有至少4隻蛋，雞扒都係煎得外皮好脆而肉質嫩滑，加埋蒜蓉汁一齊食好惹味!另外再加錢叫左杯綜合水果紅茶，成杯上而且有大量火龍果、藍莓、檸檬、同埋橙肉，果味十足同埋係天然既水果甜味，出乎意料好飲!
濃蝦湯海鮮湯飯追加蒜香雞翼
蝦味好濃厚而且完全唔腥，飯粒完全充滿住蝦湯既鮮味，配料上都好豐富，有魷魚圈、蜆、青口、蝦、冬菇同帶子，基本上每啖都有海鮮配料，而且整體都夠鮮味爽口，特別係帶子真係彈牙有口感! 追加既蒜香雞翼都好高質! 蒜香味十足而且炸得岩岩好，熟透又保留到肉質鮮嫩，16蚊2隻好抵食!
鮮茄焗豬扒飯
朋友叫既呢個焗豬整體都好好食，炒飯底粒粒分明而且醬汁酸甜度平衡得好好，食落好開胃! 豬扒都煎得好香，又係保留到肉汁唔會乾爭爭!
蒜蓉汁雞扒滑蛋包飯
呢個似乎係呢到既招牌，因為見好多人都有嗌! 蛋香味十足而且真係有至少4隻蛋，雞扒都係煎得外皮好脆而肉質嫩滑，加埋蒜蓉汁一齊食好惹味!
另外再加錢叫左杯綜合水果紅茶，成杯上而且有大量火龍果、藍莓、檸檬、同埋橙肉，果味十足同埋係天然既水果甜味，出乎意料好飲!
張貼
