丼道 (上水廣場)

營業中

休息中

餐廳位置係上水廣場，環境都幾舒適，坐既位置剛好在大窗戶旁邊，景觀開揚，空間十分闊落。和風蘋果咖喱魷魚烏冬（$58）叫左一個下午茶輕食，都幾豐富下，有附一個椰菜絲沙律，自行添加柚子醋，仲有一個忌廉泡芙和凍蜂蜜烏龍茶，炸魷魚外皮香脆，厚度適中，咖哩偏日式風格甜咖哩，整體食落都幾滿足。鰻魚丼（$95）朋友叫左個丼飯，跟配味噌湯和凍蜂蜜烏龍茶，飯有流心蛋，蛋汁配搭白飯和鰻魚十分完美，鰻魚份量算可以，滿滿照燒汁味道。自家製免治雞肉串（$48）有附日本產雞蛋，可沾上食用，雞肉串內有絞碎左既軟骨，增加左口感，啖啖肉大飽口福。柚子芝士蛋糕（$35）有淡淡柚子香味，食落會無咁膩，甜味和芝士味都幾出下。意式軟雪糕配紅豆白玉團子（$30）凡惠顧下午茶輕食一份，可享半價無限追加指定飲品和以優惠價$30 叫一份意式軟雪糕配紅豆•白玉團子，雪糕我揀左扭紋（牛奶＋抹茶），牛奶奶味濃郁，抹茶甘甜，兩者相輔相成。