樂園魚蛋粉

營業中

休息中

石門京瑞廣場一向都餐廳林立，大大小小不同種類都有齊，港式、日式、西式任君選擇🤭之前見過樂園魚蛋粉其他分店，今日咁啱又遇到就試下啦。一碗粉麵最平麵係$36，下午茶時段仲要包熱飲，價錢相宜貼地😆潮式牛三寶米線金牌牛三寶有齊牛筋、牛腩同金錢肚，牛筋軟稔漿口，骨膠原爆燈，牛腩入味份量多，金錢肚有嚼口但唔會似香口膠咁樂園四寶丸河四寶包括手打魚丸、手工魚皮餃、墨魚🦑丸同豬肉丸，自家製手打魚蛋超彈牙又大大粒，魚皮餃都係日日新鮮自家製👍🏻記得要試下哩到嘅辣椒油，夠辣夠香，配上魚蛋粉一流下午茶餐包熱飲，凍飲就+$4。飲品選擇多，仲可以揀熱西洋菜蜜添