丼道 (上水廣場)

營業中

休息中

每一次行過呢間餐廳，都見到入面啲人一份份的定食，覺得好豐富，所以今日我都食下先。去到見到佢依家嘅限定套餐，鍾意食鰻魚嘅我當然要試下。 鰻魚好大塊，差唔多覆蓋成碗飯，性價比好高，而且燒得好香，灑上蔥花配埋鰻魚汁，非常滿足。旁邊嘅溫泉蛋同日本米拌埋一齊食，香甜嘅蛋汁配上白飯真係絕配。冷烏冬係細滑烏冬，有咬口，一個套餐有齊飯麵都幾唔錯。最喜歡嘅係梅子梳打，酸酸甜甜好醒神 。滑蛋牛肉DON 和牛味道濃郁，配上滑蛋同埋洋蔥，呢個組合一定係無得輸。牛肉火喉剛好，唔會煮太過，所以一啲都唔難咬。 七味雞翼 雖然得三隻，但每隻都好大 隻，炸得好香脆，外層灑上七味粉，小小微辣，好惹味。 抹茶拿鐵 好細滑，飲到淡淡茶香，高質。 抹茶芝士蛋糕 抹茶味道好濃郁，芝士味道剛剛好，細細件又唔會太甜，係抹茶愛好者之選。 總括來說，呢間係一間性價比高嘅餐廳。