影片
更多
2022-08-30
1166 瀏覽
壽司郎喺灣仔新開的居酒屋 - 杉玉，係海外第一間分店，聽聞啲枱已經book到爆晒，諗住難得閒日下晝得閒過去walk-in試吓有冇枱，星期五下晝4點幾去到竟然等咗5分鐘就入到去，超興奮！期待已久，有啲野係好值得食同好抵食，尤其係壽司真係好抵。但係都有啲嘢食完覺得可以唔叫😅一定要食😋：香蔥鹽醋漬鯖魚 - 勁多蔥，酸酸哋勁開胃吞拿魚拌山藥泥 - 呢度啲赤身好高質，唔使講都知好好味魚子醬壽司- $38有得食魚子醬，仲要係好味嘅，umami味勁出！炸池魚 - 又係$38，兩大條池魚炸得香脆得嚟仲好香魚味超滿足壽司/王道3貫壽司 - $33或$30三件壽司，勁推介小肌同所有吞拿魚可以唔食😏：杉玉薯仔沙律- 得個靚字，入面個蛋又唔太流心，食落無乜特別霧鎖玉龍藏仙山 - 聽個名以為係勁野一定好好味。原來只係鰻魚包住蛋咁一齊蒸，食落又係無乜特別但$68綠茶燒酒 - 以為綠色飲品好特別，點知又無綠茶味又無酒味但$48整體來講其實呢餐都係食得開心嘅，有唔少食物好味又唔貴，埋單2個人都係6百幾蚊但食到捧住個肚，居酒屋嚟講算好抵，係有啲遺憾食唔到大拖羅壽司，好似話好味又好平。如果book到枱一定會嚟翻啅！😁
期待已久，有啲野係好值得食同好抵食，尤其係壽司真係好抵。但係都有啲嘢食完覺得可以唔叫😅
一定要食😋：
香蔥鹽醋漬鯖魚 - 勁多蔥，酸酸哋勁開胃
吞拿魚拌山藥泥 - 呢度啲赤身好高質，唔使講都知好好味
魚子醬壽司- $38有得食魚子醬，仲要係好味嘅，umami味勁出！
炸池魚 - 又係$38，兩大條池魚炸得香脆得嚟仲好香魚味
超滿足壽司/王道3貫壽司 - $33或$30三件壽司，勁推介小肌同所有吞拿魚
可以唔食😏：
杉玉薯仔沙律- 得個靚字，入面個蛋又唔太流心，食落無乜特別
霧鎖玉龍藏仙山 - 聽個名以為係勁野一定好好味。原來只係鰻魚包住蛋咁一齊蒸，食落又係無乜特別但$68
綠茶燒酒 - 以為綠色飲品好特別，點知又無綠茶味又無酒味但$48
整體來講其實呢餐都係食得開心嘅，有唔少食物好味又唔貴，埋單2個人都係6百幾蚊但食到捧住個肚，居酒屋嚟講算好抵，係有啲遺憾食唔到大拖羅壽司，好似話好味又好平。如果book到枱一定會嚟翻啅！😁
張貼