德美壽司

營業中

休息中

大埔翠屏花園一帶係新興嘅中價餐廳集中地。啲熱門類型嘅餐廳，例如韓國嘢（非韓燒），日本拉麵，文青cafe 都可以喺度搵到。日式料理都由以前淨係得富山，開到有四五間。今日見時間合適，就去咗「德美壽司」一試究竟。午市套餐「德美定食」，六十幾蚊有燒秋刀魚，吉列豬扒同少許三文魚刺身，非常抵食。秋刀魚質素唔錯，燒到魚皮脆卜卜，魚油釋放晒。炸豬扒就似係雪藏貨，無乜肉汁而且偏硬。三文魚刺身不過不失啦。朋友食嘅刺身同壽司，味道正常。