影片
更多
2020-05-09
110 瀏覽
呢間台灣菜嘅老闆娘係台灣人，開左唔夠一年，我估好多人都係因為今次運動識佢，門口有個櫃義賣手足整嘅飾物，係度亦可買到手足廚房嘅曲奇同蛋卷。.紅燒牛肉麵:湯底唔算好濃但味道唔錯，落左好多酸菜同青葱，幼麵煮得腍左少少，牛腱有四大塊，筋同肉嘅比例係一半一半，肉質軟腍，可惜有陣膻味，食到半路放棄左啲肉。芝士玉米蛋餅:屋企人之前黎過，同我講左呢度嘅蛋餅偏軟，唔係外皮煎到乾身嗰種，果然似係炒滑蛋嘅質感，餅皮夠薄同煙韌。鹽酥肉:鹽酥豬肉條幾新奇，聽講係因為老闆娘唔鍾意雞肉而誕生嘅菜色，豬肉條好爽口，炸得夠酥脆，略嫌調味唔夠，試完我都係鍾意鹽酥雞呢個配搭多啲。凍白桃四季春:跟餐可以半價配飲品，所有飲品都可減糖，白桃四季春茶味清香，桃味唔假，杯底仲有啫喱。.好多評論對呢度嘅食物讚不絕口，但口味呢家嘢好個人，我同朋友覺得質素普通，不過大家唔排死一兩間，分散幫襯先可鞏固黃色經濟圈嘛~
.
紅燒牛肉麵:
湯底唔算好濃但味道唔錯，落左好多酸菜同青葱，幼麵煮得腍左少少，牛腱有四大塊，筋同肉嘅比例係一半一半，肉質軟腍，可惜有陣膻味，食到半路放棄左啲肉。
紅燒牛肉麵
10 瀏覽
0 讚好
0 留言
芝士玉米蛋餅:
屋企人之前黎過，同我講左呢度嘅蛋餅偏軟，唔係外皮煎到乾身嗰種，果然似係炒滑蛋嘅質感，餅皮夠薄同煙韌。
芝士玉米蛋餅
21 瀏覽
0 讚好
0 留言
鹽酥肉:
鹽酥豬肉條幾新奇，聽講係因為老闆娘唔鍾意雞肉而誕生嘅菜色，豬肉條好爽口，炸得夠酥脆，略嫌調味唔夠，試完我都係鍾意鹽酥雞呢個配搭多啲。
鹽酥肉
13 瀏覽
0 讚好
0 留言
凍白桃四季春:
跟餐可以半價配飲品，所有飲品都可減糖，白桃四季春茶味清香，桃味唔假，杯底仲有啫喱。
.
好多評論對呢度嘅食物讚不絕口，但口味呢家嘢好個人，我同朋友覺得質素普通，不過大家唔排死一兩間，分散幫襯先可鞏固黃色經濟圈嘛~
張貼
